Буш Президент вазифаларын үтәгән чакта 2001 елның 11 сентябрендә АКШта теракт булып узгач, ислам хәйрия фонды әһелләренең телефонын тыңларга әмер биргән. Моның өчен бу оешма вәкилләре аны судка биргән.

21 декабьрдә Сан-Франциско федераль суды ислам фондына килгән зыянны һәм адвокат чыгымнарын каплау өчен 2,6 миллион доллар акчаны хөкүмәттән түләтергә дигән карар чыгарган. Хөкемдар фонд хезмәткәрләрен суд карарыннан башка тыңлаганнар, дип белдергән.

Журналистларның фикеренчә, әлеге суд Президент хакимияте белән гражданнарның иреге мөнәсәбәтләрен тикшерүдә бер мисал булып тора.

Суд Буш администрациясен хөкем системасын санламауда һәм парламент чыгарган кагыйдәләрне бозуда гаепләгән, дип хәбәр итә «Ислам для всех» агентлыгы.

http://tatar-islam.ru/  сайтыннан алынды

24.12.2010

Волгоградтагы изге китапны уку конкурсы «Әл-Җомга» мәчетендә Вологодск өлкәсе имамы Равил хәзрәт Мостафинның тырышлыгы нәтиҗәсендә узды. Аңа янә мөселманнарның «Ага-Хан» оешмасы, Россия Халыклары дуслыгы ассамблеясенең Вологодскидагы бүлеге хезмәткәрләре булышты. Конкурста беренче, икенче урыннарны-таҗик җәмгыяте, өченчене үзбәк җәмгыяте вәкилләре алды. Җиңүчеләргә дипломнар һәм кыйммәтле бүләкләр тапшырылды.